Namo tassa bhagavato arahato sammāsambuddhassa

禮敬 彼 世尊 阿羅漢 正自覺者

Khuddakanikāye

小部

Dhammapadapāḷi

法句 (了參法師[葉均]翻譯)

1. Yamakavaggo

1. 雙品

1.

Manopubbaṅgamā dhammā, manoseṭṭhā manomayā;

諸法意先導，意主意造作。

Manasā ce paduṭṭhena, bhāsati vā karoti vā;

若以染污意，或語或行業，

Tato naṃ dukkhamanveti, cakkaṃva vahato padaṃ.

是則苦隨彼，如輪隨獸足。

2.

Manopubbaṅgamā dhammā, manoseṭṭhā manomayā;

諸法意先導，意主意造作。

Manasā ce pasannena, bhāsati vā karoti vā;

若以清淨意，或語或行業，

Tato naṃ sukhamanveti, chāyāva anapāyinī [anupāyinī (ka.)].

是則樂隨彼，如影不離形。

3.

Akkocchi maṃ avadhi maṃ, ajini [ajinī (?)] maṃ ahāsi me;

『彼罵我打我，敗我劫奪我』，

Ye ca taṃ upanayhanti, veraṃ tesaṃ na sammati.

若人懷此念，怨恨不能息。

4.

Akkocchi maṃ avadhi maṃ, ajini maṃ ahāsi me;

『彼罵我打我，敗我劫奪我』，

Ye ca taṃ nupanayhanti, veraṃ tesūpasammati.

若人捨此念，怨恨自平息。

5.

Na hi verena verāni, sammantīdha kudācanaṃ;

在於世界中，從非怨止怨，

Averena ca sammanti, esa dhammo sanantano.

唯以忍止怨；此古（聖常）法。

6.

Pare ca na vijānanti, mayamettha yamāmase;

彼人不了悟：『我等將毀滅』。

Ye ca tattha vijānanti, tato sammanti medhagā.

若彼等如此，則諍論自息。

7.

Subhānupassiṃ viharantaṃ, indriyesu asaṃvutaṃ;

唯求住淨樂，不攝護諸根，

Bhojanamhi cāmattaññuṃ, kusītaṃ hīnavīriyaṃ;

飲食不知量，懈惰不精進，

Taṃ ve pasahati māro, vāto rukkhaṃva dubbalaṃ.

彼實為魔服，如風吹弱樹。

8.

Asubhānupassiṃ viharantaṃ, indriyesu susaṃvutaṃ;

願求非樂住，善攝護諸根，

Bhojanamhi ca mattaññuṃ, saddhaṃ āraddhavīriyaṃ;

飲食知節量，具信又精進，

Taṃ ve nappasahati māro, vāto selaṃva pabbataṃ.

魔不能勝彼，如風吹石山。

9.

Anikkasāvo kāsāvaṃ, yo vatthaṃ paridahissati;

若人穿袈裟，不離諸垢穢，

Apeto damasaccena, na so kāsāvamarahati.

無誠實克己，不應著袈裟。

10.

Yo ca vantakasāvassa, sīlesu susamāhito;

若人離諸垢，能善持戒律，

Upeto damasaccena, sa ve kāsāvamarahati.

克己與誠實，彼應著袈裟。

11.

Asāre sāramatino, sāre cāsāradassino;

非真思真實，真實見非真，

Te sāraṃ nādhigacchanti, micchāsaṅkappagocarā.

邪思惟境界，彼不達真實。

12.

Sārañca sārato ñatvā, asārañca asārato;

真實思真實，非真知非真，

Te sāraṃ adhigacchanti, sammāsaṅkappagocarā.

正思惟境界，彼能達真實。

13.

Yathā agāraṃ ducchannaṃ, vuṭṭhī samativijjhati;

如蓋屋不密，必為雨漏浸，

Evaṃ abhāvitaṃ cittaṃ, rāgo samativijjhati.

如是不修心，貪欲必漏人。

14.

Yathā agāraṃ suchannaṃ, vuṭṭhī na samativijjhati;

如善密蓋屋，不為雨漏浸，

Evaṃ subhāvitaṃ cittaṃ, rāgo na samativijjhati.

如是善修心，貪欲不漏人。

15.

Idha socati pecca socati, pāpakārī ubhayattha socati;

現世此處悲，死後他處悲，作諸惡業者，兩處俱憂悲，

So socati so vihaññati, disvā kammakiliṭṭhamattano.

見自惡業已，他悲他苦惱。

16.

Idha modati pecca modati, katapuñño ubhayattha modati;

現世此處樂，死後他處樂，作諸善業者，兩處俱受樂，

So modati so pamodati, disvā kammavisuddhimattano.

見自善業已，他樂他極樂。

17.

Idha tappati pecca tappati, pāpakārī [pāpakāri (?)] ubhayattha tappati;

現世此處苦，死後他處苦，作諸惡業者，兩處俱受苦，

‘‘Pāpaṃ me kata’’nti tappati, bhiyyo [bhīyo (sī.)] tappati duggatiṃ gato.

（現）悲『我作惡』，墮惡趣更苦。

18.

Idha nandati pecca nandati, katapuñño ubhayattha nandati;

現世此處喜，死後他處喜，修諸福業者，兩處俱歡喜，

‘‘Puññaṃ me kata’’nti nandati, bhiyyo nandati suggatiṃ gato.

（現）喜『我修福』，生善趣更喜。

19.

Bahumpi ce saṃhita [sahitaṃ (sī. syā. kaṃ. pī.)] bhāsamāno, na takkaro hoti naro pamatto;

雖多誦經集，放逸而不行，

Gopova gāvo gaṇayaṃ paresaṃ, na bhāgavā sāmaññassa hoti.

如牧數他牛，自無沙門分。

20.

Appampi ce saṃhita bhāsamāno, dhammassa hoti [hotī (sī. pī.)] anudhammacārī;

雖誦經典少，能依教實行，

Rāgañca dosañca pahāya mohaṃ, sammappajāno suvimuttacitto;

具足正知識，除滅貪瞋癡，善淨解脫心，

Anupādiyāno idha vā huraṃ vā, sa bhāgavā sāmaññassa hoti.

棄捨於世欲，此界或他界，彼得沙門分。

Yamakavaggo paṭhamo niṭṭhito.

雙品 第一 終結