20. Maggavaggo
| 20. 道品
|
273.
| |
Maggānaṭṭhaṅgiko seṭṭho, saccānaṃ caturo padā;
| 八支道中勝，四句諦中勝，
|
Virāgo seṭṭho dhammānaṃ, dvipadānañca cakkhumā.
| 離欲法中勝，具眼兩足勝。
|
274.
| |
Eseva [esova (sī. pī.)] maggo natthañño, dassanassa visuddhiyā;
| 實唯此一道。無餘知見淨。
|
Etañhi tumhe paṭipajjatha, mārassetaṃ pamohanaṃ.
| 汝等順此行。魔為之惑亂。
|
275.
| |
Etañhi tumhe paṭipannā, dukkhassantaṃ karissatha;
| 汝順此（道）行，使汝苦滅盡。
|
Akkhāto vo [akkhāto ve (sī. pī.)] mayā maggo, aññāya sallakantanaṃ [sallasanthanaṃ (sī. pī.), sallasatthanaṃ (syā.)].
| 知我所說道，得除去荊棘。
|
276.
| |
Tumhehi kiccamātappaṃ, akkhātāro tathāgatā;
| 汝當自努力！如來唯說者。
|
Paṭipannā pamokkhanti, jhāyino mārabandhanā.
| 隨禪定行者，解脫魔繫縛。
|
277.
| |
‘‘Sabbe saṅkhārā aniccā’’ti, yadā paññāya passati;
| 『一切行無常』，以慧觀照時，
|
Atha nibbindati dukkhe, esa maggo visuddhiyā.
| 得厭離於苦，此乃清淨道。
|
278.
| |
‘‘Sabbe saṅkhārā dukkhā’’ti, yadā paññāya passati;
| 『一切行是苦』，以慧觀照時，
|
Atha nibbindati dukkhe, esa maggo visuddhiyā.
| 得厭離於苦，此乃清淨道。
|
279.
| |
‘‘Sabbe dhammā anattā’’ti, yadā paññāya passati;
| 『一切法無我』，以慧觀照時，
|
Atha nibbindati dukkhe, esa maggo visuddhiyā.
| 得厭離於苦，此乃清淨道。
|
280.
| |
Uṭṭhānakālamhi anuṭṭhahāno, yuvā balī ālasiyaṃ upeto;
| 當努力時不努力，年雖少壯陷怠惰，
|
Saṃsannasaṅkappamano [asampannasaṅkappamano (ka.)] kusīto, paññāya maggaṃ alaso na vindati.
| 意志消沈又懶弱，怠者不以智得道。
|
281.
| |
Vācānurakkhī manasā susaṃvuto, kāyena ca nākusalaṃ kayirā [akusalaṃ na kayirā (sī. syā. kaṃ. pī.)];
| 慎語而制意，不以身作惡。
|
Ete tayo kammapathe visodhaye, ārādhaye maggamisippaveditaṃ.
| 淨此三業道，得聖所示道。
|
282.
| |
Yogā ve jāyatī [jāyate (katthaci)] bhūri, ayogā bhūrisaṅkhayo;
| 由瑜伽生智，無瑜伽慧滅。
|
Etaṃ dvedhāpathaṃ ñatvā, bhavāya vibhavāya ca;
| 了知此二道，及其得與失，
|
Tathāttānaṃ niveseyya, yathā bhūri pavaḍḍhati.
| 當自努力行，增長於智慧。
|
283.
| |
Vanaṃ chindatha mā rukkhaṃ, vanato jāyate bhayaṃ;
| 應伐欲稠林，勿伐於樹木。
|
Chetvā vanañca vanathañca, nibbanā hotha bhikkhavo.
| 從欲林生怖，當脫欲稠林。
|
284.
| |
Yāva hi vanatho na chijjati, aṇumattopi narassa nārisu;
| 男女欲絲絲，未斷心猶繫；
|
Paṭibaddhamanova [paṭibandhamanova (ka.)] tāva so, vaccho khīrapakova [khīrapānova (pī.)] mātari.
| 如飲乳犢子，不離於母牛。
|
285.
| |
Ucchinda sinehamattano kumudaṃ sāradikaṃva [pāṇinā];
| 自己斷除愛情，如以手折秋蓮。
|
Santimaggameva brūhaya, nibbānaṃ sugatena desitaṃ.
| 勤修寂靜之道。善逝所說涅槃。
|
286.
| |
Idha vassaṃ vasissāmi, idha hemantagimhisu;
| 『雨季我住此，冬夏亦住此』，
|
Iti bālo vicinteti, antarāyaṃ na bujjhati.
| 此為愚夫想，而不覺危險。
|
287.
| |
Taṃ puttapasusammattaṃ, byāsattamanasaṃ naraṃ;
| 溺愛子與畜，其人心惑著，
|
Suttaṃ gāmaṃ mahoghova, maccu ādāya gacchati.
| 死神捉將去，如瀑流睡村。
|
288.
| |
Na santi puttā tāṇāya, na pitā nāpi bandhavā;
| 父子與親戚，莫能為救護。
|
Antakenādhipannassa, natthi ñātīsu tāṇatā.
| 彼為死所制，非親族能救。
|
289.
| |
Etamatthavasaṃ ñatvā, paṇḍito sīlasaṃvuto;
| 了知此義已，智者持戒律，
|
Nibbānagamanaṃ maggaṃ, khippameva visodhaye.
| 通達涅槃路──迅速令清淨。
|
Maggavaggo vīsatimo niṭṭhito.
| 道品第二十竟
|