Bibbohanañca [bimbohanañca (sī. pī.)] pādāsiṃ, uttamatthassa pattiyā.

‘‘Ekanavutito kappe, bibbohanamadāsahaṃ;

Duggatiṃ nābhijānāmi, bibbohanassidaṃ phalaṃ.

‘‘Ito tesaṭṭhime kappe, asamo nāma khattiyo;

Sattaratanasampanno, cakkavattī mahabbalo.

‘‘Paṭisambhidā catasso, vimokkhāpi ca aṭṭhime;

Chaḷabhiññā sacchikatā, kataṃ buddhassa sāsanaṃ’’.

Itthaṃ sudaṃ āyasmā suvaṇṇabibbohaniyo thero imā gāthāyo abhāsitthāti.

Suvaṇṇabibbohaniyattherassāpadānaṃ paṭhamaṃ.

2. Tilamuṭṭhidāyakattheraapadānaṃ

Manomayena kāyena, iddhiyā upasaṅkami.

‘‘Satthāraṃ upasaṅkantaṃ, vanditvā purisuttamaṃ;

Pasannacitto sumano, tilamuṭṭhimadāsahaṃ.

Duggatiṃ nābhijānāmi, tilamuṭṭhiyidaṃ phalaṃ.

‘‘Ito soḷasakappamhi, tantiso [khantiyo (syā.)] nāma khattiyo;

Sattaratanasampanno, cakkavattī mahabbalo.

Itthaṃ sudaṃ āyasmā tilamuṭṭhidāyako thero imā gāthāyo abhāsitthāti.

Tilamuṭṭhidāyakattherassāpadānaṃ dutiyaṃ.

3. Caṅkoṭakiyattheraapadānaṃ

Paccuggantvāna katvāna [paccuggantvāna’kāsahaṃ (aṭṭha.), paccuggamanaṃ katvāna (?)], caṅkoṭaka [caṅgoṭaka (sī.)] madāsahaṃ.

‘‘Siddhatthassa mahesino, sabbasattānukampino [sayambhussānukampino (syā.)];

Pupphacaṅkoṭakaṃ datvā, kappaṃ saggamhi modahaṃ.

‘‘Catunnavutito kappe, caṅkoṭakamadaṃ tadā;

Duggatiṃ nābhijānāmi, caṅkoṭakassidaṃ phalaṃ.

‘‘Paṭisambhidā catasso…pe… kataṃ buddhassa sāsanaṃ’’.

Caṅkoṭakiyattherassāpadānaṃ tatiyaṃ.

4. Abbhañjanadāyakattheraapadānaṃ

Ākāsasamacittassa [akakkasacittassātha (aṭṭha.)], nippapañcassa jhāyino.

‘‘Sabbamohātivattassa, sabbalokahitesino;

Abbhañjanaṃ mayā dinnaṃ, dvipadindassa tādino.

‘‘Aparimeyye ito kappe, abbhañjanamadaṃ tadā [ambhañjanamadāsahaṃ (syā.)];

Duggatiṃ nābhijānāmi, abbhañjanassidaṃ phalaṃ.

‘‘Ito pannarase kappe, cirappo nāma khattiyo;

Sattaratanasampanno, cakkavattī mahabbalo.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā abbhañjanadāyako thero imā gāthāyo abhāsitthāti.

Abbhañjanadāyakattherassāpadānaṃ catutthaṃ.

5. Ekañjalikattheraapadānaṃ

Vutthokāso mayā dinno, samaṇassa mahesino.

‘‘Tissassa dvipadindassa, lokanāthassa tādino;

Añjaliṃ paggahetvāna, santhariṃ pupphasantharaṃ.

‘‘Dvenavute ito kappe, yaṃ kariṃ pupphasantharaṃ;

Duggatiṃ nābhijānāmi, santharassa idaṃ phalaṃ.

‘‘Ito cuddasakappamhi, ahosiṃ manujādhipo;

Ekaañjaliko nāma, cakkavattī mahabbalo.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā ekañjaliko thero imā gāthāyo abhāsitthāti.

Ekañjalikattherassāpadānaṃ pañcamaṃ.

6. Potthakadāyakattheraapadānaṃ

Potthadānaṃ mayā dinnaṃ, dakkhiṇeyye anuttare.

Duggatiṃ nābhijānāmi, potthadānassidaṃ phalaṃ.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā potthakadāyako thero imā gāthāyo abhāsitthāti.

Potthakadāyakattherassāpadānaṃ chaṭṭhaṃ.

7. Citakapūjakattheraapadānaṃ

‘‘Candabhāgānadītīre, anusotaṃ vajāmahaṃ;

Satta māluvapupphāni, citamāropayiṃ ahaṃ.

Duggatiṃ nābhijānāmi, citapūjāyidaṃ phalaṃ.

‘‘Sattasaṭṭhimhito kappe, paṭijaggasanāmakā;

Sattaratanasampannā, sattāsuṃ cakkavattino [paṭijaggasanāmako; sattaratanasampanno, cakkavattī mahabbalo (syā.)].

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā citakapūjako thero imā gāthāyo abhāsitthāti.

Citakapūjakattherassāpadānaṃ sattamaṃ.

8. Āluvadāyakattheraapadānaṃ

Tatthaddasaṃ vītarāgaṃ, suppabhāsaṃ sudassanaṃ.

‘‘Paramopasame yuttaṃ, disvā vimhitamānaso;

Āluvaṃ tassa pādāsiṃ, pasanno sehi pāṇibhi.

‘‘Ekattiṃse ito kappe, yaṃ phalamadadiṃ tadā;

Duggatiṃ nābhijānāmi, āluvassa idaṃ phalaṃ.

‘‘Paṭisambhidā catasso…pe… kataṃ buddhassa sāsanaṃ’’.

Āluvadāyakattherassāpadānaṃ aṭṭhamaṃ.

9. Ekapuṇḍarīkattheraapadānaṃ

Puṇḍarīkaṃ mayā dinnaṃ, vippasannena cetasā.

‘‘Catunnavutito kappe, puṇḍarīkamadaṃ tadā;

Duggatiṃ nābhijānāmi, puṇḍarīkassidaṃ phalaṃ.

Itthaṃ sudaṃ āyasmā ekapuṇḍarīko thero imā gāthāyo abhāsitthāti.

Ekapuṇḍarīkattherassāpadānaṃ navamaṃ.

10. Taraṇīyattheraapadānaṃ

‘‘Mahāpathamhi visame, setu kārāpito mayā;

Taraṇatthāya lokassa, pasanno sehi pāṇibhi.

‘‘Ekanavutito kappe, yo setu kārito mayā;

Duggatiṃ nābhijānāmi, setudānassidaṃ phalaṃ.

‘‘Pañcapaññāsito kappe, eko āsiṃ samogadho;

Sattaratanasampanno, cakkavattī mahabbalo.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā taraṇīyo thero imā gāthāyo abhāsitthāti.

Taraṇīyattherassāpadānaṃ dasamaṃ.

Suvaṇṇabibbohanavaggo aṭṭhavīsatimo.

Tassuddānaṃ –

Potthako citamāluvā, ekapuṇḍarī setunā;

Dvecattālīsa gāthāyo, gaṇitāyo vibhāvibhīti.

Ekādasamaṃ bhāṇavāraṃ.